حوار بين جد وجده وحفيدتهم

عدد الرسائل : 101 تاريخ التسجيل : 29/05/2007

هالو نانّا
_صباح الخير يا بنتي

_هاو ار يو نانّا
_كويسه يا بنتي ، ايه صاحيه بدري النهارده كده وراحه علي فين ده الساعه لسه مجتش اربعه العصر .

_ابدا نانّا مودي اجر شقه جديده وآخدني اتفرج عليها ونقضيلنا فيها يومين حلوين

_طب وهو مودي يا بنتي هيجي يتقدملك امتي انتوا بقالوكوا يجي 4 سنين تعرفوا بعض .
_يووووووووووووه يا نانّا ما قولتلك اننا لازم نعرف بعض عن قرب كويس . طب افردي اتجوزنا وطلعنا مش متفقين.لازم يا نانّا نعد مع بعض اد خمس سنين كمان .

_هو انتي قولتيلي مودي عنده كام سنه ........؟؟
_15سنه وربع

_طب هو كده مش صغير اوي .
_صغير ايه يا نانّا ده سنه مناسب جدا ويادوب يبقي فرق السن 3 سنين .

_ياااااااااااااه ده احنا علي ايامنا مكنتش البت فينا تفكر في الحب ولا حتي الجواز العرفي قبل ما تكمل سنه ال16 او 16 ونص كده ، وانتي بترتبطي وتحبي من وانتي عندك 8 سنين .
عجايب
_يا نانّا انتوا زمانكوا راح خلاص وبعدين خليكي اسبور .

يدخل الجد

ازيك يامونيكا يا بنتي .

_هاي ماي جراند فازر

_انتي نازله ولا ايه .

_اه يا دوب انا أتأخرت اوي .
_طب يلا خشي البسي.

_البس ايه ما انا لبست خلاص .

_لبستي .............؟؟ يا بنتي ده انتي اللي لابساه شبه المايو.
_ايوه ما الجو حر ولا حضرتك مش حاسس .

الجد ينظر للجده ويقولها
_ فين ايام زمان سنه 2007
كانت البت من دول محترمه كان كل لبسهم باديهات . واستومك من اللي بيبين الضهر والبطن والكتاف والسدر بس . وكانوا يلبسوا البرموده كده .
كنتي تلاقي البت من دول ماشيه مستوره .

حد بيضرب كلاكس من تحت وبيقول يلا يا موني بقي هنتأخر .

ينظر الجد لمودي ويقول للجده .

_شايفه الواد لابس ايه .
ده احنا زمان كنا نروح الجامعه بتيشرت كات وبنطلون ساقط من وسطنا و الحجر واصل للارض . ولا التيشرتات كانت مقطعه من كل اتجاه .
وياسلام لما كنا نوطي وضهرنا يبان . ولا شعرنا كنا بنوقفه بالجيل يبقي الواد من دول ماشي كده وشعره متشنج زي ماكون حد كهربه .
بس كنا شباب روشيين .

_يا جراند فازر انا عايزه امشي بقي مودي مشغل الاغنيه اللي بحبها ولازم انزل عشان اسمعها من اولها .

ترد الجده

_ اغاني هو انتوا تعرفوا اغاني ولا حتي فن انتوا .
فين زمن موسيقار الاجيال عمرو دياب . ولا العندليب الاسمر تامر حسني .هو ممكن يطلع تاني كوكب شرق زي السيده شيرين
يا سلام .
ولا الاستاذ سعد الصغير . واغنية التوتو ني .......................... يا عيني
ياااااااااااااااااااااااااااه كانت ايام .

_يووووووووووووووووووووووه آى مصت جو ناو . سي يو, بااااااااااااااااااااااااااااااي

هى دى نكتة ولا قصة قصيرة
لا بس حلوة وضحكتنىحتى بص
ههههههههههههههههههههههههههههه
rendeer